Created by suraj : – 23 December 2025
Pune underground road project : नमस्कार मित्रानो पुणे शहरातील नागरिकांसाठी एक मोठी दिलासादायक बातमी समोर आली आहे. गेल्या काही वर्षांपासून पुण्यात वाढती वाहतूक कोंडी हा एक गंभीर प्रश्न बनला आहे. शैक्षणिक व आयटी हब म्हणून ओळख असलेल्या पुण्याला आता ‘ट्रॅफिक सिटी’ अशी ओळखही मिळू लागली आहे. मात्र आता या समस्येवर कायमस्वरूपी उपाय करणारा एक महत्वाकांक्षी प्रकल्प गति घेत आहे.
45 किलोमीटर लांबीचा भूमिगत रस्ता – पुण्याच्या ट्रॅफिकसाठी गेम चेंजर. Pune underground road project
पुण्यात जवळपास 45 किमी लांबीचा भूमिगत रस्ता बांधण्याची योजना अंतिम टप्प्यात पोहोचली आहे. खास बाब म्हणजे हा रस्ता पुण्याला लागून जाणाऱ्या अहिल्यानगर, सोलापूर, सातारा आणि मुंबई या चार मुख्य महामार्गांना थेट जोडणार आहे. त्यामुळे शहरातील ट्रॅफिक लोड मोठ्या प्रमाणात कमी होण्याची शक्यता वर्तवली जात आहे.
हा प्रकल्प पूर्ण झाल्यास पुण्यातील प्रमुख भागांतील ट्रॅफिकची समस्या मोठ्या प्रमाणात कमी होईल आणि प्रवास वेळेतही मोठी बचत होईल.
PMRDA कडे प्रारूप आराखडा सादर – फडणवीस यांनी दिली प्राथमिक मान्यता. Pune underground road project
या प्रकल्पाला आता वेग येऊ लागला असून सल्लागार कंपनीने तयार केलेला प्रारूप आराखडा (Draft DPR) पुणे महानगर प्रदेश विकास प्राधिकरणाकडे (PMRDA) सादर करण्यात आला आहे.
मुंबईत झालेल्या बैठकीत मुख्यमंत्री देवेंद्र फडणवीस यांच्या अध्यक्षतेखाली हा प्रस्ताव मांडण्यात आला होता. त्यांनी या प्रकल्पासाठी आधुनिक ‘ट्विन टनेल’ तंत्रज्ञान वापरण्याच्या सूचना दिल्या होत्या.
PMRDAने यासाठी व्यवहार्यता अहवाल (Feasibility Study) तयार करण्यासाठी निविदा काढल्या होत्या आणि तीन कंपन्यांपैकी एका कंपनीवर हे सर्वेक्षण सोपवण्यात आले होते. आता त्याच कंपनीने पूर्ण आराखडा सादर केला आहे.
कात्रज–येरवडा मार्ग भूमिगत तळजाई आणि वेताळ टेकडीखाली टनेल
या प्रकल्पात दोन मोठ्या टेकड्यांना
- तळजाई टेकडी
- वेताळ टेकडी
खालील मार्ग समाविष्ट करण्यात आले आहेत. यामुळे शहरातील संवेदनशील हिरवळ वाचवून वाहतूक सुरळीत करण्याचा प्रयत्न केला जाणार आहे.
प्रमुख प्रवेश–निर्गम ठिकाणे अशी असतील:
- स्वारगेट
- जगताप डेअरी
- कात्रज
🔺प्रमुख भूमिगत मार्ग:
- शिवाजीनगर – येरवडा
- येरवडा – खडीमशिन चौक
- जगताप डेअरी – कोथरूड
भूमिगत रस्ता सुमारे 30 मीटर खोलीवर सहापदरी (Six-lane) स्वरूपात बांधला जाणार आहे.
तीन टप्प्यांत काम – मेट्रो प्रकल्पाला अडथळा नाही
या टनेल रस्त्याचे बांधकाम तीन टप्प्यांत करण्याची योजना आहे. सर्वात महत्त्वाचे म्हणजे या प्रकल्पाचे काम सुरू झाल्यावर किंवा पूर्ण झाल्यानंतर भूमिगत मेट्रो प्रकल्पावर कोणताही परिणाम होणार नाही, असे स्पष्ट करण्यात आले आहे.
20 ते 22 हजार कोटींचा खर्च – अंतिम मंजुरीची प्रतीक्षा. Pune underground road project
या संपूर्ण प्रकल्पाचा अंदाजित खर्च ₹20,000 ते ₹22,000 कोटी इतका असणार आहे. PMRDAची मान्यता मिळाल्यानंतर हा प्रस्ताव राज्य सरकारकडे अंतिम हिरव्या कंदीलासाठी पाठवला जाईल.
सरकारकडून अंतिम मंजुरी मिळाल्यावर या मेगा प्रकल्पाचे प्रत्यक्ष काम सुरू होण्याची शक्यता आहे.
👉 या प्रकल्पाचे फायदे (Expected Benefits):
पुण्यातील मुख्य भागांतील वाहतूक कोंडी मोठ्या प्रमाणात कमी.
- प्रवास वेळेत 30% ते 40% बचत
- महामार्गांवरील वाहतूक थेट शहराबाहेर वळवण्याची सुविधा.
- मेट्रो आणि बस वाहतुकीला पूरक रचना
- टेकड्या आणि पर्यावरणाचे संरक्षण